龍年2024十二生肖運程

鼠

屬鼠嘅朋友，今年十分之唔錯，

事業有將星：

將星代表權力，有上司賞識，

打工嘅朋友可以轉一份好工，

做生意嘅朋友，可以大展拳腳。

財運方面有大財星金匱⋯

大旺自僱經商嘅朋友，

亦有好多人覺得投資可以進取；

但記得要做好功課，量力而為。

感情會穩定；

如果未有的話，借勢搵到你嘅另外一半

搵錢之餘，你哋要注意健康

因為兇星有大煞、白虎-影響健康

披頭- 記得多D關心長輩

牛

屬牛嘅朋友今年係你哋嘅事業年，

另外感情、財運、健康都會係十分穩定，

事業運有貴人星天德，代表上司提拔；

有扳鞍星，旺升遷，

但有捲舌，小人星，凡事謹慎，

幸好有福星，逢凶化吉；

整體放膽去盡佢，龍年乘風破浪⋯

同事注意心靈健康

寡宿：人有時會孤獨欠缺方向

絞煞：好多時會受到掣肘

虎

屬虎嘅朋友，今年係財運年，合發展生意，

但係整體財運都係浪𥚃行舟，上上落落⋯

打工皇帝就影響不大，

做生意嘅朋友或者或者鍾意投資嘅朋友，

就要特別小心，

你哋越係進取，風浪就會越大。

龍年你地驛馬星動，可以遠方發展，

出外會有貴人相助，但係一定要積極，

龍年要行動求財，多勞先至會多得，

所以辛苦在所難免⋯

出外雖然有好機會，但要視乎自己嘅抗煞能力，

你哋會遇到天哭，情緒有機會出現問題，

在外很多事情需要適應同兼故，

加上屋企人不在身邊，

情緒出現問題定必雪上加霜⋯

如果諗住今年驛馬星動，出外一定有好發展，

但又冇做好規劃，見步行步，後果肯定不堪設想。

屬虎嘅朋友，今年做規劃嘅時候，

記得要做好風險評估⋯

兔

屬兔嘅朋友，龍年係變動之年⋯

上年你哋犯太歲，整體麻麻哋，

今年你哋雖然太歲相穿，好彩係財運年，

整體可以睇高一線。

今年有吉星陌越，佢代表變化⋯

事業會變，財運會變、感情同健康都會變。

變就一定變，主動求變先係皇道。

隨波逐流只會係變差。

今年最重要就係積極，事業要積極爭取機會，財運要積極爭取開源，感情要積極維繫，遇到口舌要互相忍讓。

健康方面會遇到凶星病符，健康會反覆，年頭嘅時候情緒會容易悲觀，腸胃同抵抗力都差小小⋯送個錦囊俾大家，喺屋企東南面、正西面，放五層銅風鈴可以化解，任何生肖嘅朋友都可以用呢個方法。最後恭喜大家，龍年變好變差係你自己掌握嘅。

龍

屬龍嘅朋友，今年你犯太歲，

事業感情都會好一般，但整體總算平穩。

今年嘅重點係做好情緒管理⋯

你哋好多時會悲觀，

胡思亂想，鑽晒牛角尖⋯

加埋華蓋，你地會空虛孤獨，

每件事都係空想，欠缺行動力⋯

今年要親力親為⋯

冇吉星，冇人輔助，冇人提拔，

但時勢永遠都係造英雄！

你哋要趁機會學識做自己嘅貴人，學識製造機會，記得同身邊嘅朋友、身邊嘅夥伴保持良好關係，多啲傾偈、問吓佢哋嘅意見，有需要嘅時候搵佢哋幫手。

另外，－般犯太歲嘅朋友都好想去變，

例如想結婚想生仔想離婚想轉工想搬屋

記住唔好咁衝動，做任何大決定之前，

－定要諗清諗楚，計好條數先⋯

蛇

屬蛇嘅朋友，你哋龍年嘅運程整體十分之唔錯，但係吉裡藏凶，唔緊要，有煞星先至有激發⋯

龍年你哋有桃花星天喜，

除咗趨旺男女感情，更加代表人緣同喜慶⋯

人緣好，有貴人，做任何事都會得心應手，所以整體運程可以睇高一線。

想拍拖、想結婚、想生仔嘅朋友記得趁住今年完成心願⋯

另外今年有男貴人星太陽，無論男性嘅上司或𣇸下屬，生意夥伴又甚至係客戶，都會對你哋有助力。所以大家記住擺多啲時間同你身邊嘅男士去溝通，比佢哋更加清楚你哋嘅目標。

凶星方面，你哋會遇到晦氣，晦氣代表截糊，生意俾人截胡，升職俾人截糊，連感情會俾人截糊⋯

點化解？ 與其坐定定俾人截糊，不如你先去主動截人糊⋯

另外有煞星劫殺，佢代表因友破財，借錢俾朋友預咗冇得還，做生意可能會搭沉船，但千祈唔好做擔保，因為後果不堪設想；如果真係要破財，不如多啲請朋友食飯，順便催旺人緣同機會⋯

今年仲有凶星天空，代表半空拆翼，甚或計劃落空，千祈唔好因為計劃落空而唔去計劃，更加唔好見步行步，最重要係準備後備方案，遇到最壞嘅情況都有兩手準備⋯

馬

屬馬嘅朋友，龍年你哋有粒靚吉星，運程本身可以睇高一線，但整體又好似係浮浮沉沉， 最終係浮定係沉、關鍵在於你哋嘅情緒⋯

今年你哋有吉星八座，化表有貴人扶持，地位得以提升⋯

打工嘅朋友可以升職加薪，又或轉一份好工；

做生意嘅朋友可以擴展業務⋯

機會就擺咗喺度，成与敗好視乎你有冇積極爭取⋯

今年需要好好裝備自己，主動爭取好表現。

凶星方面有羊刃，佢會令到你哋情緒底落，脾氣亦變得暴躁，好似有個罩罩住自己，令到好多機會同埋緣份都彈返開⋯所以今年情緒係你最大嘅敵人，管理得唔好會影響你地整體表現⋯上司對你失望，投資可能會損手，身邊嘅小人更加會乘虛而入，所以你哋今年除咗積極，更加要學識情緒管理。

羊

屬羊嘅朋友

嚟緊龍年你哋有好強嘅吉星喎，如果懂得掌握，運程必定睇高一線。

吉星有天乙，代表人緣，姻緣同機會永遠都係掛鉤，所以大家記得廣結善緣，積極爭取機會⋯⋯另外太陰星係代表女性貴人，可以係上司、拍擋，下屬，又或客户⋯

女性好多時講求情感，如果你可以比佢地了解你嘅困難同需要，整體嘅助力必定大大提昇。

龍年會帶旺同女性有關嘅服務行業，例如理財、美容又或身心靈，⋯財運方面，太陰同時係財星，財運一定唔錯，太陰財富係累積嘅，所以大家投資不宜太進取。

凶星方面你哋會遇到貫索，代表做事遇到阻滯，仲會影響大家嘅情緒⋯

要解決事情，可以借助貴人嘅助力，但係要解決情緒問題，最終都係要靠自己！

𤠣

屬猴嘅朋友， 今年暗合太歲，人緣會好，再加上吉星三台，有長輩上司扶持，地位得以提升；全部都有助事業同財運⋯

凶星方面有官符代表官非，還有小人是非星五鬼，⋯今年貴人多，小人多，是非多，仲可能有官非⋯所以今年會好反覆⋯

貴人係助力，小人係阻力，可否互相抵銷？

如果你時運高，貴人會幫你，小人會妒忌你，當你時運低，你好希望有貴人，但周圍都係小人，貴人同小人外表好難分，到中咗招你哋先至分到，但可惜太遲⋯

今年你哋時刻保持醒覺，順風順水嘅時候唔好得意忘形，沉着應戰，呢個態度先至吸引到真正嘅貴人。

另外有天解幫你逢凶化吉⋯

記住有凶才有吉，所以只宜備而不用。

雞

屬雞嘅朋友，今年太歲相合，做事會得心應手，

咸池桃花專增強吸引力，提升人緣，

月德星令你哋有貴人相助；

還有地解，代表逢凶化吉⋯

吉星坐陣，最重要還是積極。

通常事事順景嘅時候，大家就要小心，

因為咸池桃花代表霧水情緣，

已婚人士，不過宜踩鋼綫呀，隨時粉身碎骨。

今年凶星小耗喎，代表破財⋯

大家可以買吓心頭好，應咗佢，順便令自己開心。對於女士來說更加心安理得。

如果你另外一半係屬雞，可以用呢個方法，幫佢哋趨吉避凶。

狗

屬狗嘅朋友，龍年你冲太歲，沖與動好易走在一起，一沖就會想動，最後產生變化，所以整體會係動盪⋯感情會變，變好會結婚生仔，變差可能會分手、⋯住屋會變，會搬屋會買樓，事業財運都會變⋯每逢沖太歲都會遇到大耗，佢代表破財⋯結婚生仔要使錢，離婚更加要使錢，買樓就更加啦⋯破歡喜財當然冇問題啦， 凡事三思，計清楚條數好啲⋯好彩你哋今年有吉星月空，代表逢凶化吉，同時會有貴人⋯煞星方面會遇到欄干，事業會有阻滯， 記住唔好話變就變，要有策略，貴人先至會出現，最後先會逢凶化吉。 財運雖然動盪，變好變差最終都係在乎你自己。

豬

今年可以大旺⋯

吉星有最強貴人星紫微，代表長輩同埋上司嘅助力；

更有紅鸞正桃花，代表桃花旺，可結婚，可生仔。

紅鸞不單代表姻緣，更代表人緣；人緣好，機會自然多；

加上貴人之助力，做事無往而不利 ！

表面上有齊天時地利人和，最後係咪一定得？

最後就要睇自己，千祈唔好衰懶惰，貴人同機會唔會送上門，大家要多曝光廣結善緣。來年太陽化忌，曝光更加重要。大家記得要顧及形象，你想給予別人什麼感覺順眼，如果形象不能配合，貴人對你嘅印象會大打折扣，機會自然離你而去⋯⋯

做事雖然路路暢通，但凶星有天厄，但要小心臨門一腳出事，隨時導致方寸大亂，記得做好風險評估，準備後備方案，凡事兩手準備，才不至影響大局。